“Ishin gra e fëmijë në gomone”, policia jep detaje për 50 klandestinët që u kapën në Vlorë – FaxWeb

“Ishin gra e fëmijë në gomone”, policia jep detaje për 50 klandestinët që u kapën në Vlorë – FaxWeb

Policia ka dhënë detaje për operacionin në Vlorë që bëri të mundur ndalimin e 50 klandestinëve nga vendet arabe që po tentonin të shkonin drejt Italisë me gomone. Policia bën me dije se operacioni për evakuimin e personave në bord u krye në kushte të vështira atmosferike për shkak të reshjeve të shiut që kanë përfshirë vendin.

Personat në bord ishin gra e fëmijë, ndërkohë që po evakuohen nga dy anijet luftarake dhe më pas do të shoqërohen për në polici në mënyrë që të zbardhet e vërteta e kësaj ngjarje.

Njoftimi i plotë – Operacion i përbashkët për parandalimin dhe goditjen e tentativës për kontrabandim në drejtim të Italisë, të migrantëve nga vendet e treta. Operacioni kryhet nga Roja Bregdetare e Forcës Detare, Policia e Shtetit dhe Guardia di Finanza.

Gjatë operacionit u bllokua në grykëderdhjen e lumit Vjosë, një gomone me migrantë nga vendet e treta. Operacioni për bllokimin e mjetit lundrues dhe më pas për evakuimin e personave në bord, kryhet në kushte të vështira atmosferike dhe det mbi 5 ballë.

Personat në bord, mes tyre gra e fëmijë në gomone, po evakuohen nga dy anijet luftarake të Rojës Bregdetare dhe Policia e Shtetit dhe transportohen në drejtim të Triportit, Vlorë.

Struktrurat hetimore të Drejtorisë Vendore të Policisë Vlorë dhe ato të Policisë Kufitare, nën drejtimin e Prokurorisë po vijojnë veprimet për zbardhjen e plotë të kësaj tentative për kontrabandim te migranteve në rruge detare dhe vënien para drejtësisë të personave përgjegjës.

Për t’ju bashkuar grupit të Faxweb.al në Facebook, klikoni Join Group

loading…

Source link

Leave a Reply

Your email address will not be published. Required fields are marked *