Meta kujton Demaçin: Do të mbetesh maratonomaku shqiptar i palodhur i lirisë

Meta kujton Demaçin: Do të mbetesh maratonomaku shqiptar i palodhur i lirisë

Në nderim të 2-vjetorit të ndarjes nga jeta të Adem Demaçit, vjen një mesazh nga presidenti Ilir Meta, i cili ka përkujtuar figurën shumë të dashur për shqiptarët, i cilësuar si Mandela e Kosovës.

Përmes një mesazhi, kreu i shtetit thekson se Demaçi, ishte emblema e qëndresës shqiptare, heroi i pashembullt për liri dhe dinjitet kombëtar e njerëzor.

Mesazhi i plotë i Presidentit Meta:

Nuk do t’i gjej kurrë fjalët e duhura për të shprehur dhimbjen e thellë që la pas ikja jote në përjetësi dy vite më parë, Baca Adem Demaçi, emblema e qëndresës shqiptare, Heroi ynë i pashembullt për liri dhe dinjitet kombëtar e njerëzor.

Sot ne përulemi me respekt e mirënjohje të thellë para kujtimit të jetës dhe veprës tënde të lavdishme e frymëzuese për të gjitha gjeneratat e shqiptarëve, si një model kombëtar i skalitur në historinë tonë dhe të luftës për pavarësinë e Kosovës.

Leave a Reply

Your email address will not be published. Required fields are marked *