Osmani: Askush s’ka të drejtë ta bllokojë ligjin për covid-19

Osmani: Askush s’ka të drejtë ta bllokojë ligjin për covid-19

Kryeparlamentarja Vjosa Osmani ka përtëritur se vendit i duhet një bazë ligjore për luftimin e pandemi.së, derisa ka kërkuar nga deputetët të mos bëhen arsye që ky virus të mos luftohet me ligj.

Ajo ka thënë se nuk ka asgjë politike në vlerësimin e Gjykatës Kushtetuese për dallim prej asaj që po e thotë zëvendëskryeministri Driton Selmanaj.

“Unë shpresoj që shumë shpejt ky projektligj të vjen në kuvend për lexim të parë ta ketë votën tuaj. Mirëpo, mos thoni që kjo është iniciuar për arsye politike. Nuk ka asgjë politike në vlerësimin e Gjykatës Kushtetuese që duhet ligj. Ata e kanë sqaruar shumë mirë për dallim prej asaj që po tenton ta thotë një nga zëvendëskryeministrat. Ata thonë që për të bërë kufizime për të drejtat e njeriut sikur për këto që janë të nevojshme këto ditë nuk duhet gjendje e jashtëzakonshme, por mjafton një ligj sipas nenit 55 të Kushtetutës. Nuk kemi asnjëri të drejtën që ta bllokojmë një mundësi që të luftohet pandemia dhe kjo arrihet nëpërmjet këtij ligji”, tha Osmani./Epoakere

Leave a Reply

Your email address will not be published. Required fields are marked *