VIDEO/ Del përgjimi ku Zaev ofendon shqiptarët: Nuk vlejnë as 5 pare

VIDEO/ Del përgjimi ku Zaev ofendon shqiptarët: Nuk vlejnë as 5 pare

Një përgjim, ku dëgjohet ish-kryeministri i Maqedonisë së Veriut, Zoran Zaev teksa ofendon shqiptarët, po bën xhiron e rrjetit. Indeksonline ka publikuar bisedën ndërmjet Zaevit dhe një personi “X”. Në përgjim biseda mes Zaev dhe personit tjetër ka qenë çështja e votës.

Zaevi dëgjohet duke thënë se “shqiptarët nuk vlejnë as për 5 pare”. Më pas, personi tjetër i kthehet se rreziku tek shqiptarët qëndron se “ata kanë luftëtarë”. Ndërsa, përgjigja e Zaevit ishte se “luftëtarët gjenden gjithandej në botë”.
Ketu mund te degjoni dhe shikoni videon:

Pas publikimit të videos ka reaguar Zaev që ka mohuar gjithçka duke thënë se nuk do të deklaronte kurrë një gjë të tillë për bashkëqytetarët e tij, që sipas tij gëzojnë respektin e tij. Ai ka shtuar se shprehja “shqiptarët nuk vlejnë as 5 para” është thënë nga bashkëbiseduesi dhe jo nga ai.

“BDI nuk vlejnë pesë pare në tregun e votave. Ky është qëndrimi im sot, ishte qëndrimi im dhe atëherë, në kohën kur u regjistrua biseda sot. Kishin 20 deputetë, u përgjysmuan 10, në këto zgjedhje do të kenë edhe më pak. Megjithëse BDI nuk vlen pesë pare, më 27 prill 2017 e mbrojta jetën e Talat Xhaferit me jetën time. E kam treguar dhe vertetuar dashurine dhe respektin tim per shqiptaret ne veper. Jo vetëm me fjalë por edhe me vepër.

Kemi miratuar Ligjin për Gjuhët, kujdesemi për të gjitha komunitetet, kam qenë i pari që kam thirrur maqedonasit të votojnë shqiptarët dhe shqiptarët, kam hapur për herë të parë partinë për shqiptarët, kam bërë koalicion parazgjedhor me partia shqiptare dhe personalisht dhe familja jam lidhur me shqiptaret jam njeriu me i mire i Muhamed Zekirit dhe eshte kenaqesi e madhe. I gjithë publiku ka dëgjuar se nuk po e shqiptoj atë fjalë që është fyese për bashkëqytetarët e mi, por këtë e bën bashkëbiseduesi në bisedën e regjistruar.

Përpjekje kaq të ulëta dhe të dëshpëruara vetëm më inkurajojnë edhe më të fortë të veproj në konceptin e një shoqërie për të gjithë anijen e së cilës jam. Do vazhdoj ta bëj këtë, me respekt të denjë për të gjithë bashkëqytetarët e mi nga të gjitha bashkësitë etnike. Shpallja e këtij manipulimi të turpshëm dëshmon edhe njëherë se vota për BDI-në është votë për Mickoskin dhe Gruevskin.” – shkruan Zaev nw Facebook.

Leave a Reply

Your email address will not be published. Required fields are marked *