Spartak Ngjela: “A mund të gabojë gazeta New York Times”?

Spartak Ngjela: “A mund të gabojë gazeta New York Times”?

Takimi i paralajmëruar në Shtëpinë e Bardhë ndërmjet Kosovës dhe Serbisë nuk do të mbahet.

Planeve u dha fund Prokuroria e Posaçme me seli në Hagë me publikimin e akuzave ende të pakonfirmuara ndaj presidentit të Kosovës Hashim Thaçi dhe kryetarit të Partisë Demokratike të Kosovës Kadri Veseli, si të dyshuar për krime kundër njerëzimit dhe krime lufte.

Avokati Spartak Ngjela shkruan se gazeta amerikanë New York Times ka dhënë dje lajmin se:
“presidenti i Serbisë, Vuçiç, është akuzuar nga Tribunali i Hagës për krime kundër njerëzimit”.

Për Ngjelën duhet pritur me durim dhe duhet parë me shumë kujdes kjo çështje.

“Shtypi gjerman e quan sukses shqiptar prishjen e takimit Kosovë – Serbi, i cili do të mbahej në datën 27 qershor në Uashington.
Takimi u anullua si pasojë e kërkesës për arrest nga Tribunali i Hagës kundër Hashim Thaçit. Por gazeta gjermane Züddeutsche Zeitung e konsideron këtë si takim me lëshim politik që Trump do t’i bënte interesit rus kundrejt Shqipërisë.

Të jetë e vërtetë?

Por, tani kjo nuk ka rëndësi më, sepse përkrahja e interesit rus kundrejt Shqipërisë dhe Kosovës ndërkohë është çështje e vdekur: në fakt, ajo mund të bëhej vetëm me tradhëtinë shqiptare.

Kurse pikërisht për këtë që ndodhi kundër Hashim Thaçit, na duhet të pyesim: pse është mërzitur Vuçiç?
Kjo mund të ishte një provë për të vërtetuar analizën e gazetës gjermanë.
Por, mos ndoshta edhe vetë Vuçiç po përgatitet për të shkuar në Hagë, edhe ky nën akuzën e krimeve të luftës, sepse, në masakrën makabër të Milosheviçit në Kosovë, Vuçiç ka qenë ministër ultraterrorist?

Gjithësesi, mendoj se duhet pritur me durim dhe duhet parë me shumë kujdes kjo çështje, sepse ishte gazeta amerikanë New York Times ajo që ka dhënë dje lajmin se :
“presidenti i Serbisë, Vuçiç, është akuzuar nga Tribunali i Hagës për krime kundër njerëzimit”.
A mund të gabojë gazeta New York Times?
Të shohim…”, shkruan Spartak Ngjela.

Leave a Reply

Your email address will not be published. Required fields are marked *